!!!! أنا من مريخ....صباح التهييس الفكري

تفتكرو إيه إللي ورا العنوان ده أول حاجة ممكن تخطر على بالك لما تسمع العنوان ده هو إن الشخص إللي بيكلم حاسس بغربة أو حاسس إنه وحيد و هو ...قالي أحكيلكم قصته..يمكن تعطفو عليه و تديلوه "الجنسية الأرضية " ...طب تيجي نسمعله يمكن لما نسمعله يهدى كدا و يرتاح ...

:المريخي يتحدث

أول ما نزلت على الكوكب إللي أنا مكنتش عارف إسمه لقيت حاجات غريبة...بالنسبلي طبعا...أولا إنتو ملاحظين أنا بتكلم عربي ... وصحبي إللي حكلكم عني مصري و غير كدة صحابي إللي على الفيس بوك معظمهم مصريين بس ساعتها كان كل حاجة بالنسبةلي غريبة .... لقيت مخلوقات ودانهم صغيرة و شعرهم قليل و لابسين و عندهم عينتين مش تلاتة و لونهم مش أخضر. طب الأول أحكيلكم عن الكوكب بتاعي إللي أنا كنت عايش فيه أولا إحنا ماعندناش حاجة إسمها راجل بيسموه عند نا "بكلوز" ومعندناش الست إسمها ست لأ دي إسمها "بطلش" و الطفل إسمه "حناكش" و الطفلة إسمها "جعبوت " يعني مثلا لما نعوز نقول راجل بيحب واحدة ست نقول" بكلوز شنكح بطلش"

"شنكح" طبعا معناها بيحب و إحنا طبعا معندناش إللي بسموه" مية " لا لا لا لا إحنا عندنا بنشرب مادة فيها فرافيت كتيرة و لونها أصفر إسمها " شرا حيب" ..على فكرة نشرب عندنا معناها "نبَلوز " يعني إسمع و ترجم بقى " بكلوز شنكح بطلش" بكلوز بلوز شراحيب" أعتقد تعبتو وزهئتو و مليتو و طلعت عينيكو معايا ...وقبل ما أي حد يتعب منكو صاحبنا "البكلوز الأرضي "-اإللي بيحكي القصة- تعب جدا جدا جدا تخيل واحد عمال يقولك بكلوز ومش عارف "شراحيب " و كلام من ده أكيد طلعت عنيه و ما بالكم بيه أنا شكلي مختلف ..كلامي مش مفهوم ما بس قلتش حاجة عيب و لا حارام و كل إللي أخدته من الأرضيين ... "دا باين عليه واد من إياهم " .. إللي يخاف مني و إللي يشاور علي و إللي يقول علي مجنون ليه يعني عشان بقول " بكلوز شنكح بطلش " طاب إذا كان " بكلوز شنكح بطلش "

طاب ما كل "الرجالة بيشنكحو الستات" إشمعنا البكلوز مي حبش الشكلح.. علفكرة مش عشان عندي تلات عيون ولا عشان لوني أخضر ... أبقى من إياهم

بس ولا واحد منهم تعب نفسه و جا سألني إتنت مين و عايز إيه وبتفكر إزاي وإيه هدفك إلخ إلخ إلا صاحبنا قعد معايا ييجي 3 شهور بيحاول يعرف أنا مين ..و 3 شهور تانيين يقنع نفسه و يثبتلها إن أنا حقيقة مش حلم أو كابوس و 3 شهو ر تالتين يحوال يتعامل معايا و يفهم لغتي و آخر تلات شهور

بقو يقولو عليه "دا شكله من إياهم"... تفتكرو ليه أصله كان بيحاول يقولهم "حاولوتتعرفو عليه و تعرفوه زي ما أنا عرفته دا طيب و بيحبكم" كل يوم يروح يقولهم نفس الجملة "حاولوتتعرفو عليه و تعرفوه زي ما أنا عرفته دا طيب و بيحبكم" بعد 30 يوم واحد منهم رد عليه قالوا "سيبك منه دا ممكن يوديك في داهية دا شخص غريب ...أديني نصحتك وإنتا حر"

وقعد صاحبنا "البكلوز الأرضي" يحاول و يحاول لغاية

ما جاله !!!!؟؟؟

... فكرة مقالة جديدة إسمها .."أنا أرفض و بشدة مبدأ التصنيف الفكري "

لماذا هذا الدين ؟؟ ولا سواه

لماذاهذا الدين...و لاسواه

من أكبر الأخطاء إللي مخليانا في الهم إللي إحنا في... كأمة إسلامية... شباب وكبار وصغيرين و أي مسلم إن نسبة كبيرة جدا من المسلمين مفكروش هما مسلمين ليه ..رغم إنك ممكن تلاقي واحد متدين جدا وبرده ما يعرفش ليه هو مسلم غير إنه إتولد مسلم فلقى نفسه مسلم.... تمام كدة ..لأ مش تمام.. لازم إعتقاد البني آدم يبقى نابع عن قناعة و إقتناع وليس بالوراثة .. ...دا إللي خلاني أحاول أفكر ليه إخترت الدين ده وليس سواه:

بداية دي كلها آراء شخصية ..وأنا مش من نوع إللي بيحجر على رأي حد...ولا بحب حد يحجر على رأيي .

أ-أنا إنسان إذا أنا خطاء ...و الجميل إن الإسلام تعامل معايا كإنسان إني هغلط كتير بل و إن دي أصلا طبيعتي و بحاول أغيرها... و لكن متعاملش معايا كمكنة لفعل الخير و لا تعامل معايا كشيطان ...لأ تعامل معايا كإنسان جوايا من كل مخلوق شوية حاجات جزء ملائكي و جزء شيطاني و جزء حيواني. إلى جانب كل دا فيه نفخة من روح الله.

ب- أنا إنسان إذا أنا أفكر....كان ممكن ربنا يظهر لنا الحقائق كلها و تجيلنا على طبق من دهب....لا "الحكمة ضالة المؤمن أينما وجدها فهي له" -ما معنى الحديث- مش بالسهولة دي ...تلاقي الواحد من دول يتبنى فكر معين وهو لايعلم لماذا تبناه بس لما تسأله يقولك " هم قالولي كده " ولو مقلهاش صريحة فهذا لسان حاله. لأ هذا الدين تعامل معنا ككائن له عقل . مش برنامج كمبيوتر. يفعل ما يؤمر و مايفكرش إلا بأمرك .

ج- أنا إنسان إذا أنا متغير ومتطور...لتستكمل قريبا إن شاء الله...

قطور و قطورة في يوم ممطر

قطورة بتكلم زوجها قطور و هم قاعدين جوة السحابة بتقولوه ياتارى يا قطور إمتى هننزل على الأرض بقى قالها ليه بس كده ما إحنا مرتاحين هنا قالتله لما نزل على الأرض إحنا و أصحابنا القطاطير بنحي الأرض إنت ناسي إن ربنا ذكرنا في القرآن لما قال تعالى "و جعلنا من الماء كل شيء حي" راح قلها لأ ما نسيتش بس إحنا مجرد نقطتين مية ولا إنتي شايفة إية راحت حكتله القصة دي

جدتي قطورة الكبيرة لما قررت تبقى قطورة مفيدة قالت أنا هنزل مع القطاطير أصحابي يمكن ربنا يجعلني سبب في نفع لحد.... تخيل إيه إللي حصل نزلت جدتي قطورة على نهر –على غير رغبتها –فهي كان نفسها تنزل على أرض مليانة بذور فتكون سببا في حياتها أو تنزل على إيد غلام فيفرح بالمطرة أو تنزل على جبل فتحوله إلى طمي الناس يزرعو فيه أكلهم أو تطفي بيه حريق أو تسقي بيه عطشان لكنها وقعت في الهر الفايض زي بقيت القطاطير فزعلت جدا ...طب إسألني عرفت منين أنا إن جدتي قطورة الكبيرة وقعت في النهر لأنها رجعت لنا من الأرض تاني مع كل القطاطير إللي الشمس بخرتهم وحكتلنا إزاي إنها عملت مغامرات طوليلة لحد ما رجعتلنا....

المغامرة الأولى ..... في الشلال :

و تحكي الجدة قطورة فتقول:

إستمر النهر يفيض بخيره يودنا حبة يمين وحبة شمال و أناخايفة حكم الفيضان كان قوي جدا و اللي قلقني أكتر إني مكنتش عارفة ها يخدني لفين كنت خايفة و قلت لأنفسي على أحسن الأحوال ها يخدني على محطة تنقية مياه و وعلى أسوء الأحوال أخش في معدة سمكة بس ربنا ستر قعد النهر يفيض جامد لغايط ما خبط جامد في حاجة كبيرة ما حسيتش بعدها بحاجة.....و فجأة صحيت ولقيت نفسي في وسط قطاطير كتير عمالين يكلمو مع بعض و يبصولي ...زي ما يكون قلقانين علي و أول م فقت سكتو كلهم للحظة وبعد كدة فرحو جدا و وقعدو يقولو الحمد لله إنك عايشة..الحمد لله...و واحد منهم يظهر عليه ملامح الشجاعة و القيادية قالهم إسكتو..عايز أكلم معاها ..."انا معرفش إنتي مين و لا حتى جاية منين بس كل إللي أعرفهإنك إنتي إتخبطي خبطة جامدة قوي في أكتر من صخرة ..قلت دي أكيد ماتت بس الحمد لله ربنا ستر و قدرت أشيلك بعد ما نزلنا من الشلال و اخدتك لحتة بنجمع فيها أنا و عيلتي و صحابي و من ساعتها وإحنا خايفيين و قلقانين لحسن يكون حصلك الحاجة .. إحكلنا بقى إنت مين و إزاي جيتي هنا

إنتي شكل حكايتك طويلة. وقعدت أحكيلهم إزاي إني وقعت من السحابة و إني كان نفسي يبقالي دور مفيد في الحياة و إلخ..فإمبسطو جدا من قصتي و قعدو يحكو معايا لدرجة إني حبيتهم جدا و تمنيت إني أكون وحدة منهم وفجأة لقيت حاجة ضخمة أوي واقفة ادامنا زي ما تكون شبح ضخم ليه دراعات و رجلين و مرة وحدة مدإيده في النهر عشان يشرب و كانت النتيجة ....

المغامرة الثانية ....في جسم الإنسان :

تستكمل...

المغامرة الثانية ....في جسم الإنسان :

أنا وصحابي القطاطير كنا عمالين نصوت و خايفين جدا لقينا نفسينا بنقع مرة وحدة في بق هذا الكائن الضخم ..كل حاجة كان لونها أحمر فاتح و كان في شوية نور قليلين ومرة واحدة بدأ النور يقل يقل حبة بحبة لغايط ما دنيا ضلمت خالص و بدنا نقع في حاجة شبه الماسورة ...بس ماسورة طويلة قوي ساعتها إفتكرت لما كنت بقع في الشلال .ومرة وحدة لٌينا نفسينا في حوض عميق لكن جدرانه تحسها زي ما تكون لينة ..ساعتها إطمنا وبدأنا نحس بأمان ..وقعدنا نحمد ربنا ....كل حاجة كانت ساكنة و هادية ...و مرة وأحدة لقيت جدران الحوض اللينة بتحرك ... وشوية شوية بدأت تتحرك بقوة شديدة و سمعت صوت جاي من بعيد "خدي بالك لحسن تتفعصي و الجدران ممكن تمتصك ... خاليكي في النص " حاولت أتعرف على الصوت بس ما لحقتش ..لقيت نفسي مرة وحدة بتشفط ...بتشفط جامد قوي و لأول مرة أشوف عالم غريب بشكل ده حاجات أكبر منا شوية و مدورة و لونها أحمر.. و حاجأت تانية أصغر شوية لونها أبيض و بعض القطاطير بس مش كلهم أعرفهم ..إلا قطيرة شفتها من بعيد زي ما تكون حد أعرفه .. ياه أنا مكنتش مصدقة نفسي دا هو القطور القيادي إللي قابلته عند الصخرة... فجريت بسرعة عشان ألحقه قبل ما توه وسط الأشكال الغريبة و الحاجات الحمرة المرعبة دي. عمت بأقصى سرعة ليه وقٌعدت أخبط الحاجات الحولية ..زحمة الكور الحمرا و البيضة كانت كتيرقوي و أخيرا وصلت للمكان إلأي هو كان واقف فيه وقعدت أبص شمال ويمبن عشان ألاقيه و قعدت حزينة في مكاني شوية لحد م جا حد من ورايا و خبط علي بشىء من الحنان الممزوج بالشدة وقالي "أخيرا لقيتك"

وساعتها إفتكرت الصوت اإللي إللي كان بيناديني ساعة ما كنا في الحوض الواسع

الفرحة ما كانتسش سايعاني بصيت ورايا ولقيته أيوا هو القطورة القيادية و و من كتر فرحتي حضنته وبسته و حاسيت إن الكابوس إنزاح . وبدأت أسأله وإيه إللي بيحصل بضبط قالي مش دلوقتي معندناش وقت خاليمكي ماسكة فينا جامد لأإن إحنا دلوقتي هنتحرك بسرعة عمرك ماشوفتيها حتى في الشلال حاجة إسمها القلب

هتضخنا بقوة و بسرعة فظيعة .. المهم تفضلي ماسكة في .... دودم دودم...لأااااااااااا إلحقوني أنا هامووووووووووووت أنا عايزة مامااااااااااا.... "إسكتي مش وقتك أنا مش ناقص أنا خالاص جالي جفاف"

وقعد الحوار على نفس المنوال لحد ما وصلنا لحاجة ضخمة و مدورة و لونها أبيض و في ها خطوط متفرعة لونها أحمر بس إحنا المرة دي ماكوناش جواها أنا و القطور القيادي كنٌا قا عدين في حتة ٌقريبة منها إسمها القناة الدمعية للعين زي ما قالي قطور ...كانت ماسورة برده مليانة قطاطيروبس و بتضخنا بس بالراحة خالص علي سطح العين دي ... وحبة حبة شفنا شوية نور و النور

بان أكتر لحد ماشفت حاجة شبه الشمس جايا من فوق وبقينا شايفين الدنيا زي ما هو شايفها (الإنسان إللي إحنا قاعدين في عينه)...و بدأنا نسمع صوته و كان زي مايكون بيقراقرآ ن وهو قاعد في الحقل تحت الشجرة و لما دققنا في الآيات إللي هو بيقراها سمعناه بيقول بخشوع : "يوم نقول لجهنم هل إمتلأت و تقول هل من مزيد " ساعتها لقينا القطاطير كترت وإتجمعت في عين الراجل و و لقيت القطور القيادي بيقوللي خدي بالك دا هيعيط الآية أثرت فيه... و شوية و كلنا هنقع ...و فعلا بعد لحظات بيسطة وقعت أنا ... و مكنتش متافجأة لإن قطور كان حذرني .. و وقعنا على الأرض الزراعية وبدأت مغامرة جديدة...

المغامرة الثالثة: في الطريق إل السماء

تأملات في االبحث عن الذات

بسم الله الرحمن الرحيم

تأملاتي في النفس البشرية

1- البحث عن الذات :

سأعرض عليك أخي القارئ بعض الكلمات راجيا منك أن تتأملها وتتفكر فيها على النحو التالي :

أولا : ماهية هذه الكلمات و هو أن تجد لها أبسط تعريف على أن يكون استشعارك لهذا التعريف قوي جدا ... أذكرك لا تبحث عنه في كتاب أو غير ه ولكن اكتب فيه ما تعرفه أنت عنه.

ثانيا:أن تسأل نفسك (أين أنا من هذه الكلمة ؟ و أين هي مني؟)

ثالثا : أن تقارن تعريفاتك و إجاباتك – التي هي في الواقع تمثل شخصيتك – بالأصل في هذه التعريفات

الكلمات هي :

الدين الإله الهوية المادة المعنى الوهم الحقيقة العقل العاطفة الأنا الآخر الحياة الموت الخير الشر الفعل رد الفعل الموهبة الميل الحب الكره العلم الجهل الإنسان الحيوان الجماد الصداقة العداء الخوف الحزن السعادة الدنيا الآخرة و غيرها من الكلمات التي تمثل القاعدة الفكرية للإنسان.

قد ذكرت سابقا أن تعريفك الشخصي لهذه الكلمات يمثل شخصيتك لذا فنحن ننشد المربين من آباء و أمهات و متخصصين في هذا المجال أن يضعوا الكلمات بأحسن تعريفاتها في قلوب أطفالنا وعقولهم بشكل غير مباشر ومتدرج و بهذا تكون تبني شخصية ابنك شخصية لها مستقبل لها دور في المستقبل دور إيجابي إلى جانب أنه لن يكون تائه عن ذاته وهي مصيبة أهل هذا الزمان خاصة الشباب ....من فضلكم شاركونا آرائكم ..

و شكرا